Baso bat oso lehorra egon daiteke. Erregai-biomasa kopuru handia metatu dezake. 40°C, hezetasun oso baxua eta haize bortitzak izan ditzakegu. Horrek guztiak paisaia oso arriskutsua bihur dezake. Baina, hala ere, pizte-iturri bat behar da.
Eta hona hemen Espainiako udako hilabete hauetan suteen prebentzioari buruz egiten diren ehunka elkarrizketetan eta eztabaidetan leku nabarmenagoa hartu beharko lukeen datu bat: Baso-Suteen Estatistika Orokorraren arabera, kausa ezagun bat dute baso-suteen %95 baino gehiagok: gizakiek eta haien jarduerek eragiten dituztela. Jakina, horrek ez du esan nahi %95 nahita piztutako suteak direnik. Akats larria litzateke hori esatea. Gizakien kausen artean, arduragabekeria, istripuak eta nahita sortutako suteak aurkitzen ditugu. Sute naturalak ere badaude (oso gutxi), batez ere tximistak eragindakoak. Eta kausa inoiz zehazten ez den suteak daude. Baina mezu orokorra zaila da alde batera uztea: ezagutzen ditugun piztutako sute gehienak gure jarduerarekin lotuta daude.

Informazio gehiago lotura honetan.

Argazkian, Belaskoain eta Artazu arteko errepidearen inguruan 2022ko uztailan izandako sutean hildako azeria.